प्रथम सभामुख कप राष्ट्रिय पुरुष तथा महिला भलिबल रोल्पामा सुरु
प्रथम सभामुख कप राष्ट्रिय पुरुष तथा महिला भलिबल प्रतियोगिता रोल्पाको लिवाङमा सुरु भएको छ ।
राष्ट्रिय खेलकुद परिषद् (राखेप) को आयोजनामा शनिवारबाट सुरु भएको प्रतियोगिता जेठ २ गतेसम्म चल्नेछ ।
प्रतियोगिताको पुरुष÷महिला दुवैमा सात प्रदेशबाट १–१ टिम र तीन विभागीय टोली नेपाल आर्मी, नेपाल प्रहरी र एपीएफ गरी १० टिमको सहभागिता रहने राखेपका सदस्य–सचिव केशवकुमार विष्टले जानकारी दिए ।
सहभागी टिमलाई २ समूहमा विभाजन गरी लिग कम नकआउट आधारमा खेल खेलाइने छ । समूहको शीर्ष २ टोली सेमिफाइनलमा प्रवेश गर्नेछन् । पुरुष÷महिला दुवैमा पुरस्कार राशी समान राखिएको छ ।
विजेताले ३ लाख ५० हजार, उपविजेताले २ लाख र तेश्रो हुनेले १ लाख नगद पुरस्कार पाउने छन् । प्रतियोगिता सञ्चालन गर्न ५५ लाख खर्च लाग्ने अनुमान गरिएको छ ।
यो पनि पढ्नुहोस्
