प्रधानमन्त्री हुँदा पनि टेबलटेनिस खेल्न छाँडिनः प्रचण्ड
पूर्व प्रधानमन्त्री एवं माओवादी केन्द्रका अध्यक्ष पुष्पकमल दाहाल प्रचण्डले शान्ति सम्झौतापछि निरन्तर टेबलटेनिस खेल्दै आएको बताएका छन् ।
विश्व टेबलटेनिस दिवसका अवसरमा ललितपुर जिल्ला टेबलटेनिस संघले आयोजना गरेको कार्यक्रममा प्रचण्डले भने– ‘मैलै चितवनमा बिएससी पढ्दा टेबलटेनिस खेल्ने सिकेको थिए । शान्ति सम्झौता पछि १०–१२ वर्ष भो मैले निरन्तर टेबलटेनिस खेल्न सुरु गरेको । म प्रधानमन्त्री हुँदा पनि खेल्न छाँडिन । बरु बालुवाटरमा टेबलटेनिसका लागि छुट्टै भवन बनाए ।’
उनले अनुशासित र स्वस्थ समाज निर्माण गर्नका साथै राष्ट्रलाई एकताबद्ध गर्नका निम्ति खेल क्षेत्र एकदमै महत्वपूर्ण क्षेत्र भएको बताउदै आफू दुवैपटक प्रधानमन्त्री हुँदा खेल क्षेत्रको विकासका लागि निरन्तर प्रयास गरेको बताए ।
कार्यक्रमपछि प्रचण्डका टेबलटेनिसका गुरु राष्ट्रिय खेलकुद परिषद्का सदस्य समेत रहेका ललितपुर जिल्ला टेबलटेनिस संघका अध्यक्ष सुदील शाहीले प्रचण्ड खेलप्रेमी र खेलको विकास चाहने नेता भएको धारणा व्यक्त गरे ।
यो पनि पढ्नुहोस्
