दोश्रो काष्ठमण्डप कप आजदेखि सुरु हुँदै
दोश्रो काष्ठमण्डप कप अन्तरविद्यालय सेभेन ए साइड फुटबल प्रतियोगिता आजदेखि सुरु हुँदैछ ।
काष्ठमण्डप ए लेभल एकेडेमीको आयोजनामा हुने प्रतियोगितामा १४ छात्रको टिम सहभागि हुने काष्ठमण्डपका ईसीए इन्चार्ज सुन्दर बुढाथोकीले जनाएका छन् ।
सहभागी टिमलाई ४ समूहमा विभाजन गरी लिग कम नकआउट आधारमा खेल खेलाइने छ ।
पहिलो दिन लिग चरणका खेलहरु हुनेछन् । दोश्रो दिन क्वाटरफाइनल र सेमिफाइनल खेल खेलाइनेछ भने अन्तिम दिन शुक्रबार फाइनल हुनेछ ।
खेलहरु मण्डिखाटारस्थित आयोजककै मैदानमा खेलाइनेछ । गत वर्ष साइपाल एकेडेमीले काठमाडौं जेभियर पब्लिक स्कुलाई पराजित गर्दै उपाधि जितेको थियो ।
यो पनि पढ्नुहोस्
