अपडेटः फर्पिङ बस दुर्घटनामा २ जनाको मृत्यु भएको पुष्टि

दक्षिणकाली नगरपालिका वडा नम्बर ४ फर्पिङमा बस दुर्घटना हुँदा २ जनाको मृत्यु भएको छ । अन्य ३४ जना घाइते भएको फर्पिङ प्रहरीले जनाएको छ ।

यसअघि ३ जनाको मृत्यु भएको भनिए पनि प्रहरीले २ जनाको मात्र मृत्यु भएको पुष्टि गरेको छ ।  
दक्षिणकालीबाट रत्नपार्क जाँदै गरेको बा १ ख ९९९९ नम्बरको दक्षिणकाली यातायातको बस सडकमा भएको खाल्डोका कारण अनियन्त्रित भएर पल्टिएको थियो ।
बस पल्टिँदा घाइते भएकी दक्षिणकाली नगरपालिका ५ की मन्जु बस्नेत र सुनिल श्रेष्ठको उपचारको क्रममा काठमाडौंको बयोधा अस्पतालमा मृत्यु भएको हो । घाइते सबैको विभिन्न अस्पतालमा उपचार भैरहेको छ ।