मदन भण्डारी गोल्डकप फुटबलमा आज एपीएफ र झापा–११ बीच प्रतिस्पर्धा हुने 

बुटवलमा  जारी तेस्रो संस्करण मदन भण्डारी गोल्डकप फुटबल प्रतियोगितामा आज एपीएफ र झापा–११ बीच प्रतिस्पर्धा हुने भएको छ । यी दुई टोलीबीचको खेल बुटवलको रामनगरस्थित फुटबल मैदानमा दिउँसो साढे २ बजेपछि सुरु हुने आयोजकले जनाएको छ ।यसअघि शुक्रबार भएको उद्घाटन खेलमा आयोजक मदन भण्डारी स्पोर्टस एकेडेमी विजयी भएको छ । सुदूरपश्चिम–११ लाई ५–१ गोल अन्तरले पराजित गर्दै आयोजक मदन भण्डारी प्रतियोगिताको अन्तिम ८ मा प्रवेश गरेको हो ।प्रतियोगितामा एक विदेशी सहित १० टिमले सहभागीता जनाएका छन् ।