नागढुंगाबाट ठूलो परिमाणमा लागुऔषधसहित एकजना पक्राउ
महानगरीय प्रहरी प्रभाग नागढुंगाले ठूलो परिमाणमा लागुऔषधसहित एकजनालाई बिहीबार पक्राउ गरेको छ ।
प्रभागबाट खटिएको टोलीले बिहान विराटगरबाट काठमाडौंका लागि छुटेको ना ७ ख ६३४२ नम्बरको यात्रु बाहक बस चेकजाँच गर्दा विराटनगरका २५ वर्षका अमितकुमार साहलाई पक्राउ गरेको हो ।
प्रभागका प्रमुख केशवराज भट्टले साहबाट ५०० एम्पुल नुर्फिन, ५०० एम्पुल फेनार्गन, ५०० एम्पुल डाइजेल्याव र २८० ट्याब्लेट नाइट्राजेपाम बरामद गरेको जानकारी दिए ।
पक्राउ परेका साहलाई थप अनुसन्धानका लागि महानगरीय प्रहरी वृत्त थानकोट पठाएको प्रभागले जनाएको छ । रासस
यो पनि पढ्नुहोस्
