प्रधानमन्त्री ओली पहिले भारत जाने, हेर्नुहोस भ्रमणको मिती..

प्रधानमन्त्री केपी शर्मा ओलीको विदेश भ्रमण भारतबाट सुरू हुने भएको छ । प्रधानमन्त्री ओली चैत २३ देखि २५ सम्म भारत भ्रमणमा जाने घोषणा हुन मात्र बाँकी रहेको श्रोतले बतायो ।
नेपाली अधिकारीका अनुसार नेपाल र भारतका परराष्ट्रमन्त्रालयले केहि दिनमै एकैपटक भ्रमणको मिति घोषणा गर्ने छन् ।
दोस्रोपटक प्रधानमन्त्री भएका ओलीलाइ भारतका प्रधानमन्त्री नरेन्द्र मोदीले तीनपटक फोनबाट र औपचारिक पत्र पठाइसकेका छन् ।
नेपाली दूतावासका प्रबक्ता हरि ओडारीले प्रधानमन्त्रीको भारत भ्रमणको तयारी भइरहेको तर मिति घोषणा हुन बाँकि रहेको बताए ।
कुटनीतिक श्रोतका अनुसार ओलीको भ्रमण चैत २४ देखि २६ सम्मका लागि भारतले प्रस्ताव गरेको थियोे । तर नेपालले एक दिन पहिला हुने जवाफ पठायो ।
भारतले ओलीको अनुकुल हुने गरि चैत २३ देखि २५ मा सहमति जनाएको छ ।
यसअघि, पहिलो पटक प्रधानमन्त्री हुँदा ओलीले २०७२ फागुन ७ देखि ११ सम्म भारत भ्रमण गरेका थिए ।