एक वर्ष पहिले वैदेशिक रोजगारीका लागि मलेसिया पुगेका एक नेपालली गरे आत्महत्या

वैदेशिक रोजगारीका लागि मलेसियामा रहेका एक नेपालीले आत्महत्या गरेका छन् । सुनसरीको भरोलका सन्तोष राईले शनिबार आत्महत्या गरेका हुन् ।
एक वर्ष पहिले रोजगारीका लागि मलेसियापुगेका सन्तोषले परिवारको नाममा सुसाइड नोट लेखेर आत्महत्या गरेको बुझिएको छ ।
मलेसियाको जोहरबारुस्थित सेनाइ मोर्नी एएसजे इलेक्ट्रोनिक कम्पनीमा काम गर्ने सन्तोषले आफ्नै कोठामा आत्महत्या गरेका हुन् ।
सन्तोषको शव पोस्टमार्टमका लागि कुलाइ अस्पतालमा राखिएको छ ।
नाता प्रमाणीकरण पत्र आएपछि छिट्टै शव नेपाल पठाउने मलेसियास्थित नेपाली दूतावासले जनाएको छ ।