कुङफु खेलाडी भागवत बुढाथोकीलाई उपचारका लागि आर्थिक सहयोग

कुङफु खेलाडी भागवत बुढाथोकीलाई नेपाल कुङफु संघले शनिबार उपचारका लागि आर्थिक सहयोग उपलब्ध गराएको छ ।
कुङफु संघका अध्यक्ष सीताराम हुमागाईंले भागवत उपचाररत अस्पताल सुष्मा कोइराला मेमोरियल अस्पताल, साँखुमा भेटी परिवारलाई ५० हजार नगद प्रदान गरे । दुर्घटनामा परेका भागवत हाल स्पाइनल कोर्डको उपचार गराइ रहेका छन् ।
अध्यक्ष हुमागाईंले भागवतको आर्थिक अवस्था कमजोर भएकाले सानो सहयोग स्वरुप रकम प्रदान गरिएको बताउदै अन्य इच्छुकलाई पनि सहयोगका लागि आग्रह गरे । अध्यक्ष हुमागाईंले भागवतलाई सहयोग गर्न चाहनेले नेपाल बंगलादेश बैंकमा सारदा बुढाथोकीको नाममा रहेको खाता नं। ०३३००५४४२ डब्लुमा रकम जम्मा गर्न सक्ने जानकारी गराए ।