प्रधानमन्त्री ओलीले यसरी गर्दैछन् सरकार विस्तारको तयारी

प्रधानमन्त्री केपी शर्मा ओलीले सरकार विस्तारको तयारी अघि बढाउनु भएको छ ।
सत्ता साझेदार माओवादी केन्द्रका अध्यक्ष पुष्पकमल दाहाल प्रचण्डसँग छलफल गरी आजै बेलुकासम्ममा मन्त्री बन्नेको नाम टुंग्याउने र भोलि मन्त्रिपरिषद विस्तार गर्ने प्रधानमन्त्री ओलीको तयारी छ ।
मन्त्रिपरिषद विस्तारका बारे प्रधानमन्त्री ओली र प्रचण्डबीच आज छलफल हुने प्रधानमन्त्री ओलीका राजनीतिक सल्लाहकार विष्णु रिमालले जानकारी दिनुभयो ।
सरकारमा सहभागी हुने बताइसकेको संघीय समाजवादी फोरम र सरकारलाई समर्थन गरेको राजपालाई पनि सरकारमा सहभागी गराउने विषय तथा मन्त्रालयको भागबण्डाबारे प्रधानमन्त्री र प्रचण्डले टुंगो लगाएपछि फोरम र राजपासँग छलफल गर्ने तयारी छ ।