प्रहरीको फन्दामा परेका गुन्डा नाइके गणेश लामाको आश्चर्य लाग्दो बयान !
गुन्डा नाइके गणेश लामाले आफूलाई गोली हान्ने प्रयास भएपछि पेस्तोल खोसेर प्रहरीलाइ दिन ल्याएको बताएका छन् ।
पेस्तोल र गोलीसहित आज पक्राउ परेका लामाले प्रहरी समक्ष यस्तो बयान दिएका हुन् ।
लामालाई बा ३ च १७२ नम्बरको गाडीसहित काठमाडौंको गौशालाबाट पक्राउ गरिएको काठमाडौं प्रहरी परिसरका प्रवक्ता मोहन थापाले जानकारी दिएका छन् ।
गौशालास्थित होटल पशुपति भिजनमा गोली चलेको केहीबेरमै पुगेको प्रहरी टोलीले गुन्डा नाइके लामालार्इ पेस्तोलसहित पक्राउ गरेको हो ।
लामालार्इ एउटा पेस्तोल र ६ राउन्ड गोलीसहित पक्राउ गरिएको काठमाडौं प्रहरी परिसरका डिएसपी मोहन थापाले पुष्टि गरे । लामालाई नियन्त्रणमा लिएर थप अनुसन्धान थालिएको प्रहरीले जनाएको छ ।
यो पनि पढ्नुहोस्
