सोमबार ठूलो मानविय क्षति बेहोरेका नेपालीलाई विश्वकप क्रिकेटको नतिजाले केहि राहत
सोमबार मात्रै विमान दुर्घटनामा ठूलो मानविय क्षति बेहोरेका नेपालीलाई विश्वकप क्रिकेटमा नेपालको पहिलो जितले केहि राहत मिलेको छ ।
नेपालले विश्वकप क्रिकेट छनोट अन्तर्गत को खेलमा हङकङलाई पाँच विकेटले जितेको हो । १ सय ५४ रनको विजयी लक्ष्यका साथ जवाफी ब्याटिङमा उत्रिएको नेपालले ४०.४ ओभरमा पाँच विकेट गुमाएर लक्ष्य भेटाएको थियो ।
नेपालका लागि रोहित कुमार पौडेलले सर्वाधिक ४८ रन बनाउदा सोमपाल कामीले अविजित ३७ रन जोडे।
यसअघि नेपालका अनिल साहले २६, दिपेन्द्रसिंह एैरी १२, ज्ञानेन्द्र मल्ले १२, पारस खडका ११ र आरिफ सेखले २ रन बनाएका थिए ।
यसअघि हङकङले ४८.२ ओभरमा आफ्ना सबै विकेट गुमाउँदै १ सय ५३ रन बनाएको थियो । हङकङका लागि निजाकत खानले सर्वाधिक ४७ रन बनाए भने एहसान खानले २५ र बाबर हायतले २० रन बनाउनु बाहेक अन्य ब्याट्सम्यानले सम्झन लायक प्रदशन गर्न सकेनन् ।
नेपालका सन्दीप लामिछानेले ३, बसन्त रेग्मी र करण केसीले २/२ ,सोमपाल कामी र ललित राजवंशीले १/१ विकेट लिए ।
समान अंक भए पनि नेपाल रनरेटको आधारमा अफगानिस्तान भन्दा तल रहेकाले सुपर सिक्समा पुग्न सकेन । अब नेपालले प्लेअपका लागि पपुवा न्युगिनिसँग खेल्नेछ ।
यो पनि पढ्नुहोस्
