इङ्गलिस प्रिमियर लिग फुटबलमा आज साउथ ह्याम्पटन र टोटनह्याम भिड्दै 

इङ्गलिस प्रिमियर लिग फुटबल प्रतियोगितामा म्यानचेस्टर सिटी, म्यानचेस्टर युनाइटेड, आर्सनल र चेल्सी विजयी भएका छन् ।गएराति भएको खेलमा अंक तालिकाको शीर्ष स्थानमा रहेको म्यानचेस्टर सिटीले न्यूकासल युनाइटेडलाई ३–१ ले पराजित गरेको हो ।त्यसैगरी तालिकाको दोस्रो स्थानमा रहेको म्यानचेस्टर युनाइटेडले बर्न्र्लेलाई १–० ले हराएको छ । तालिकाको तेस्रो स्थानमा रहेको चेल्सीले ब्राइटनलाई ४–० ले पराजित गरेको छ ।गएराति भएका अन्य खेलमा आर्सनलले क्रिस्टल प्यालेसलाई ४–१ ले हराउँदा लेस्टर सिटीले वार्डफोर्डलाई २–० र स्टोक सिटीले हडल्सफिल्डलाई २–० ले नै पराजित गरेका छन् ।एभर्टन र वेस्टब्रोम तथा वेस्टह्याम युनाइटेड र एएफसी बर्नमाउथबीचको खेल भने १–१ गोलको बराबरीमा टुंगिएका छन् ।गएरातिका खेलपछि म्यानचेस्टर सिटी ६५ अंकका साथ तालिकाको शीर्ष स्थानमा छ ।त्यसैगरी दोस्रो स्थानमा रहेको म्यानचेस्टर युनाइटेडको ५३ अंक भएको छ भने चेल्सी ५० अंकका साथ तेस्रो स्थानमा छ ।एक खेल कम खेलेको लिभरपुलको ४७ अंक छ । लिगअन्तर्गत आज राति हुने खेलमा साउथ ह्याम्पटन र टोटनह्याम भिड्दै छन् ।