रक्तदानः जिवन दान

हेटौडा १८ हर्नामाडीमा रहेको वंशगोपाल बचत तथा ऋण सहकारी संस्था लिमिटेडले आफ्नो बार्षिकोत्सवका अवसरमा शनिवार रक्तदान कार्यक्रम सम्पन्न गरेको छ ।
हर्नामाडी स्वास्थ्यचौकीमा आयोजित रक्तदान कार्यक्रममा ६ महिला सहित ३१ जनाले रक्तदान गरेका थिए । सहकारीका अध्यक्ष अरुणकुमार खतिवडाले संस्थाको बार्षिकोत्सबको अबसरमा हरेक वर्ष पौष १५ गते रक्तदान कार्यक्रम गर्दै आईरहेको जानकारी दिनुभयो ।  
संस्थाले ऋण तथा बचतको कार्यलाई मात्र प्राथमिकता नदिर्ई स्वास्थ्य, शिक्षा जस्ता सामाजिक कार्यहरुलाई पनि प्राथमिकता दिईने गरेको उहांको भनाई छ । अध्यक्ष खतिवडाले सबै रक्तदाताहरु, स्वास्थ्य चौकीका स्वास्थ्यकर्मी तथा संस्थाका संचालक समिती सदस्य, लेखा समिती एवं संस्थाका विभिन्न उपसमितीका पदाधिकारीलाई कार्यक्रम सफल बनाउन सहयोग गरेमा धन्यबाद तथा आभार प्रकट गर्नुभयो ।
संस्थाका सचिब बरुण खतिवडाले बिस्तारै रक्तदाताहरुप्रति रक्तदानको महत्व बढ्दै गएकाले यसवर्ष कार्यक्रम सोचेभन्दा सफल भएको र आगामी दिनमा पनि यस्तै सहयोगको अपेक्षा ब्यक्त गर्नुभएको छ ।