चलचित्र फिर्केको प्रर्दशन यही पुस २१ गतेदेखि देशैभर

मनोरञ्जनात्मक चलचित्र फिर्केको प्रर्दशन यही पुस २१ गतेदेखि देशैभर सुरु हुने भएको छ । शुक्रबार हेटौडामा आयोजित पत्रकार सम्मलेनमा चलचित्रको प्रदर्शनका विषयमा जानकारीगराइएको हो ।  
कार्यक्रममा चलचित्र फिर्केका निर्देशन रवि डंगोलले यो चलचित्रमा यात्रा संघर्षको कथा समेटिएको बताउनु भयो । चलचित्रको निर्माता राजेश श्रेष्ठ र ओमलाल गुरुङ रहनु भएको छ भने नायक सुलेमान शंकर इकु रहनु भएको छ ।
चलचित्र फिर्केमा कलाकारहरु अर्पण थापा, रिचा शर्मा, कृष्टिना पौडेल उज्जवल भण्डारी विष्णु सापकोटा लगायतको अभिनय देख्न पाइनेछ ।
करीब ८० लाखको लगानीमा निर्माण भएको चलचित्र फिर्केको छायांकन काठमांडौं र आसपासका जिल्लामा गरिएको निर्देशक डंगोलले जानकारी दिनुभयो । पत्रकार समेलनमा चलचित्र विकास बोर्डका नरेन्द्र महर्जन, चलचित्र पत्रकार संघ मकवानपुरका उपाध्यक्ष प्रकाश दाहाल लगायतले बोल्नु भएको थियो ।