हेटौँडामा यही पुष २१ गते म्युजिकल नाईट आयोजना हुने

हेटौँडामा यही पुष २१ गते म्युजिकल नाईट आयोजना हुने भएको छ । नेपाल उद्योग बाणिज्य महासंघ अन्तरगतको चलचित्र तथा मनोरञ्जन फोरमले आयोजना गर्न लागेको म्युजिकल नाईटमा नेपालका ख्याति प्राप्त कलाकारहरुले आफ्नो प्रस्तुति दिने बताइएको छ ।
आयोजकले बुधवार पत्रकार सम्मेलन गरी म्युजिकल नाईटका लागि संगीत, चलचित्र र हास्य विधासंग सम्बन्धी कलाकारहरु हेटौँडा आउने जानकारी दिर्एको हो  ।  
कार्यक्रममा बोल्दै फोरमका सभापति एवं चलचित्रकर्मी आकाश अधिकारीले चलचित्र उद्योगको प्रवद्र्धनसंगै प्राकृतिक प्रकोपमा उद्धारका लागि महासंघमा कोष बनाउने उद्देश्यले कार्यक्रम गर्न लागेको बताउनुभयो ।
हेटौँडा रिगल रिसोर्टमा हुने तीन घण्टाको कार्यक्रममा कलाकारहरु आकाश अधिकारी, निरुता सिंह, स्वेता खड्का, निता ढुंगाना, एसराज गराच, हाँस्य कलाकार जितु नेपाल मुन्द्र्रे, केदार घिमिरे माग्ने बुढा, गायक राजनराज शिवाकोटी, युवराज चौलागाई, गायिका अञ्जु पन्त सहितका कलाकाहरुले आफ्नो प्रस्तुति दिनेछन् ।
नेपाल उद्योग बाणिज्य महासंघका उपाध्यक्ष उमेशलाल श्रेष्ठको प्रमुख आतिथ्यतामा भएको पत्रकार सम्मेलनमा महासंघका कार्यसमिति सदस्य एवं मकवानपुर उद्योग बाणिज्य संघका अध्यक्ष राजकुमार न्यौपाने, अरुणराज सुमार्गी, फोरमका उपसभापति नरेन्द्र्र महर्जन, बस्तुगत समिति सभापति सुमित केडिया लगायतले मनोरन्जनको माध्यमबाट प्राकृतिक विपद परेकाहरुका लागि आर्थिक संकलन गर्ने उद्देश्यले कार्यक्रम गरेको भन्दै सहयोगका लागि आव्हान गरेका थिए ।