नारायणगढ–मुग्लिन सडकखण्डमा पुस १८ देखि रातिको समयमा सवारी आवागमन बन्द गरिने
नारायणगढ–मुग्लिन सडकखण्डमा यही पुस १८ गतेदेखि रातिको समयमा सवारी आवागमन बन्द गरिने भएको छ ।
सडक विस्तारको काम भइरहेको र सडक खण्डमा भित्तो काट्ने काम बाँकी रहेकाले राति १० देखि बिहान ४ बजेसम्म गाडी रोकेर काम गरिने भएको बताइएको छ ।
काममा सन्तोषजनक प्रगति भएको नपाइएपछि कामलाई तीव्रता दिन सवारी आवागमन बन्द गर्न लागिएको हो ।
जिल्ला प्रशासन कार्यालय भरतपुरमा बुधबार बसेको सरोकारवालाहरुको बैठकमा राति पाँच घण्टा र दिउँसोको समयमा एकतर्फी सवारी सञ्चालन गरेर कामलाई तीव्रता दिने निर्णय भएको हो ।
यो पनि पढ्नुहोस्
