कुनै ब्यवसायीले गरेर खान पाईन भन्ने गुनासो रहनेछैनः महेन्द्र राउत

मकवानपुर उद्योग बाणिज्य संघको अध्यक्षका उम्मेदवार महेन्द्र राउतले आफुले काम गर्ने मौका पाए कुनैपनि ब्यवसायीले गरेर खान पाईन भन्ने गुनासो गर्ने ठाउँ रहन नदिने प्रतिबद्धता व्यक्त गर्नु भएको छ ।
बुधबार र हेटौंडाको  ८ र ९ नम्बर वडामा घरदैलो कार्यक्रम गर्दै उहाँले व्यवसायीले ढुक्कले काम गरेर खान सक्ने बातावरण बनाउँने बताउनुभयो ।
आफ्ना एजेण्डाहरुबारे मतदातालाई बताउँदै घरदैलोमै पुगेर मत माग्न ब्यस्त रहनुभएका राउतसंग मतदाताहरुले २५ मिटर सडक विस्तार, व्यवसायीक हित र औद्योगिक बातावरण निर्माण लगायतका विषयमा जिज्ञासा राखेका थिए ।
त्यस क्रममा महासंघको बिभिन्न तहमा बसेर काम गरिसकेकाले ब्यवसायीहरुको समस्याबारे आफु जानकार रहेको बताउँदै राउतले थोरै पुँजि लगानी गरेर ब्यवसाय गरिरहेकाको प्रवद्र्धन आफ्नो पहिलो प्राथमिकता रहेको बताउनुभयो । उहाँले भन्नुभयो – ‘हामी झुठा सपना बाँढ्दैनो, तर बोलेका सबै कुरा पुरा गरेर छाड्छौं’ ।
घरदैलो कार्यक्रममा राउतसँगै बाणिज्य तर्फका उपाध्यक्षका उम्मेदवार कृष्ण कुमार गुप्ता अग्रवाल, एशोसियट उपाध्यक्ष उज्वल चौँलागाई, उद्योग तर्फका उपाध्यक्षका उम्मेदवार रबिन्द्र  प्रसाद घिमिरे लगायत सदस्यका उम्मेदवारहरुको सहभागिता रहेको थियो । घरदैलो संगै अध्यक्षका उम्मेदवार राउतले बिभिन्न बस्तुगत समुहहरुसँग पनि भेटघाट गर्नुभएको थियो ।