पत्रकार महासंघको सदस्यता नविकरण २५ गतेसम्म

नेपाल पत्रकार महासंघ मकवानपुरमा आबद्ध साधारण सदस्यको सदस्यता नविकरण खुला गरिएको छ । महासंघ केन्द्रीय कार्यालयले पठाएको सूचना बमोजिम महासंघ मकवानपुरको सोमबार भएको नियमित मासिक बैठकले सदस्यता नविकरणको मिति तोकेको हो ।
यही पुष २५ गतेसम्म आवश्यक कागजात र नविकरण शुल्कसहित महासंघका कोषाध्यक्ष सुदीप शिवाकोटी, कार्यसमिति सदस्य पुष्पराज अधिकारी वा चन्द्रबहादुर घलानसंग सम्पर्क राख्न महासंघले साधारणसदस्यहरुमा अनुरोध समेत गरेकोछ ।
यस्तै महासंघको बैठकले महासंघमा पुस्तकालय (लाइब्रेरी) निर्माणको लागि पूर्व अध्यक्ष प्रताप बिष्टको संयोजकत्मा सहसचिव धर्मेन्द्र दाहाल र कार्यसमिति सदस्य सुवास बिडारी रहेको उपसमिति समेत निर्माण गरेको छ । समितिले लाइब्रेरीको लागि आर्थिक संकलन तथा लाइब्रेरी निर्माण समेत गर्नेछ ।