उद्योग संघ मकवानपुरद्धारा पत्रकार हरि हुमागाई सम्मानित

उद्योग संघ मकवानपुरले मकवानपुरका उद्योगिहरुको हकहितका विषयमा पत्रकारिताको माध्यमबाट सहयोग पुर्याएको भन्दै पत्रकार हरि हुमागाईलाई सम्मान गरेको छ ।
आज हेटौडामा भएको कार्यक्रममा संघले १० हजार नगद सहित दोसल्ला ओढाएर उहाँलाई सम्मान गरेको हो ।
क्षेत्रफलका हिसाबले मुलुककै ठुलो औदोगिक क्षेत्रको रुपमा परिचित उद्योगि ब्याबसायीका समस्यालाई लिएर निरन्तर कलम चलाएको भन्दै उहाँलाई सम्मान गरिएको हो । हुमागाँई हाल नेपाल पत्रकार महासंघ मकवापनुरको अध्यक्ष हुनुहुन्छ ।
साथै उहाँ हेटौडा एफ एमका बरिष्ठ संबाददाता हुनुहुन्छ भने उज्यालो नेटवर्कका मकवानपुर संबाददाता र हेटौडा सन्देश दैनिकमा पनि आबद्ध हुनुहुन्छ ।
इस्तै उद्योग संघले मकवानपुरको बिकट राक्सीराङ गाउँपालिकामा मातृशिसु कार्यकर्ताको रुपमा बषौ अघि देखि स्थानिय क्षेत्रका नागरिकलाई सेवा दिदै आउनुभएकी अकमायाँ थिङलाई पनि नगद दश हजार प्रमाणपत्र र दोसल्लाह ओढाएर सम्मान गरेको छ ।
यसैगरी २०२८ साल देखि आफ्नो उत्पादन सुरु गरेको नेपाल ह्युमपाईप ईण्ड्रष्ट्रिज प्रालिका संचालक आकाश सिंखडालाई पनि उत्कृष्ट उद्योगिको रुपमा नगद दशहजार रुपैयाँ सहित पुरस्कृत गरिएको छ ।