मउवा संघको आसन्न निर्वाचनका अध्यक्ष पदका उमेद्धवार कटुवाल र राउतबिच आरोप प्रत्यारोप

मकवानपुर उद्योग वाणिज्य संघको निर्वाचनमा अध्यक्ष पदका लागि उमेद्धवारी घोषणा गरेका वर्तमान बरिष्ट उपाध्यक्ष कृष्ण कटुवाल र बर्तमान महासचिव महेन्द्र राउतबिच आरोप प्रत्यारोप चलेको छ ।
कपडा तथा तयारी पोशाक ब्यवसायी संघ मकवानपुरले आज आयोजना गरेको बनभोज तथा अन्तरक्रिया कार्यक्रममा उहाँहरु बीच आरोप प्रत्यारोप चलेको हो । कार्यक्रममा आफ्नो भनाई राख्दै गर्दा दुबै उमेद्धवार आपसमा दोसारोपण गर्न ब्यस्त थिए ।
उमेद्धवारले आफुले जिते मकवानपुर उद्योग वाणिज्य संघको मात्र नभई सम्पूर्ण व्यवसायीको हित हुने काम गर्ने प्रतिबद्धता व्यक्त गरेका छन् ।
कार्यक्रममा अध्यक्षका उमेद्वार कृष्ण कटुवालले आफुले अघिल्ला कार्य समितिमा रहँदा पनि गल्ती गरेकाहरुलाई सच्चीन खबरदारी गरेको र आउदा दिनमा पनि खबरदारी गरिरहने प्रस्ट पार्नभयो ।
अध्यक्षका अर्का प्रत्यासी महेन्द्र राउतले आफु काम गर्ने मानसिकताको मान्छे भएको भन्दै काम नगर्नेहरुबाट आएका आरोपको आफूमा कुनै प्रभाव नपर्ने तर्क गर्नुभयो ।
जिम्मेवारी पाएको बेला काम नगर्नेहरुले आरोप मात्र लाउन नहुने उहाँको भनाई थियो ।
कार्यक्रममा संघबाट उम्मेद्वारी घोषणा गरेकाहरुको परिचयका साथै सफलताको शुभकामना समेत दिईएको थियो । मकवानपुर उद्योग वाणिज्य संघको निर्वाचन आउँदो मंसिर १५ गतेदेखि मकवानपुरको हेटौँडामा सुरु हुनेछ ।