शिवपुरीमा बस दुर्घटना, ७ जनाको मृत्यु, ३० जना घाइते

नुवाकोटको शिवपुरी गाउँपालिका वडा नं ७ थाना भञ्ज्याङमा शनिबार यात्रु बाहक बस दुर्घटना हुँदा ७ जनाको मृत्यु भएकोछ । ३० जना घाइते भएका छन् ।
काठमाडौंबाट नुवाकोटको तादी गाउँपालिकाको लागि छुटेका बा १ ख ६३४८ नम्बरको बस दुर्घटना हुँदा विदुर नगरपालिका ९ की २१ वर्षकी शशी बोगटी, तादी गाउँपालिका ५ की ४५ वर्षकी लक्ष्मी न्यौपाने, तादी गाउँपालिका वडा नं ५ कै ६७ वर्षकी ठूलीमाया तामाङको घटनास्थलमै मृत्यु भएको हो ।
उपचारको क्रममा सहचालक तादी गाउँपालिका सातविसेका २८ वर्षका नवराज विक, ठेगाना नखुलेका ५४ वर्षका लालवहादुर तामाङ र ठेगाना नखुलेकी ३७ वर्षकी उजेली तामाङको धापासीस्थित ग्रिनसिटी अस्पताल र तादी गाउँपालिका रालुकाकी २२ वर्षकी सविना तामाङको ग्राण्डी अस्पतालमा उपचारका क्रममा मृत्युभएको जिल्ला प्रहरी कार्यालय नुवाकोटले जानकारी दिएको छ ।
क्षमता भन्दा बढी यात्रु बोकेकाले दुर्घटना भएको प्रहरीको अनुमान छ । घाइतेहरुको ग्राण्डी र ग्रीन सिटी अस्पतालमा उपचार भइरहेको छ ।