भरतपुर महानगरपालिकाको मतगणना पुनः सुरु, रेणु दाहाल ५७ मतले अगाडि

भरतपुर महानगरपालिकाको मतगणना पुनः सुरु भएको छ ।
गणनास्थलमा बसेका एमालेका प्रतिनिधि खाजा खान भनि  बाहिरिएपछि केहीबेर मतगणना रोकिएको थियो । उनीहरू फर्किएपछि पुनः गणना सुरु भएको हो ।
अहिलेसम्म २० नम्बर वडामा खसेको २ हजार मत गणना अनुसार माओवादी र कांग्रेसकी साझा उम्मेदवार रेणु दाहाल ५७ मतले अगाडि हुनुहुन्छ ।
लामो समयसम्म अग्रता लिएका एमाले उम्मेदवार देवी ज्ञवाली उहाँलाई पछ्याइरहनु भएको छ । पुनः मतदान गरिएको वडा नम्बर १९ को मतगणनाबाट निरन्तर अग्रता घटाइरहेकी रेणु र देवीबीच कडा प्रतिस्पर्धा देखिएको छ ।