संस्कृत साहित्यका विद्वान आचार्य केशवशरणको निधन

संस्कृत साहित्य तथा हिन्दु धर्मका विद्वान आचार्य खेमराज केशवशरणको निधन भएको छ । आचार्यको ८० वर्षको उमेरका गएराती निधन भएको हो ।
संस्कृत साहित्य र हिन्दु धर्मको प्रचारप्रसार तथा विकासमा सक्रिय आचार्य गीत तथा भजन रचना, रेडियो कार्यक्रम सञ्चालन,  प्रवचन र पुस्तक लेखनका लागि प्रसिद्ध हुनुहुन्थ्यो । उहाँले लामो समय रेडियो नेपालमा धार्मिक कार्यक्रम समेत सञ्चालन गर्नुभएको थियो ।