बागलुङको बडिगाड ५ ग्वालीचौरमा जीप दुर्घटना,४ जनाको मृत्यु, ७ जना घाइते
बागलुङको बडिगाड गाउँपालिका ५ ग्वालीचौरमा सोमबार जीप दुर्घटना हुँदा ४ जनाको मृत्यु भएको छ । ७ जना घाइते भएका छन् ।
जलजलाबाट खर्वाङका लागि छुटेको ध। १ ज १८४ नम्बरको जीप घुम्तीमा दुर्घटना भएको जिल्ला प्रहरी कार्यालयका प्रहरी नायव उपरीक्षक अनिलकुमार खड्काले जानकारी दिनुभयो । साँघुरो घुम्तीका कारण दुर्घटना भएको हुन सक्ने प्रहरीले अनुमान गरेको छ ।
प्रत्यक्षदर्शीका अनुसार ओरालोमा रोक्न ओट लगाउने क्रममा गुडेर जिप सडकभन्दा करिब एक हजार मिटर तल खसेको थियो ।
मृतकको सनाखत हुन बाँकी रहेको प्रहरीले जनाएको छ। घाइतेहरूको घटनास्थलमै प्रारम्भिक उपचार भइरहेको छ भने उनीहरूलाई थप उपचारका लागि अस्पताल पठाउने तयारी भइरहेको प्रहरीले जानकारी दिएको छ । घटनाबारे थप जानकारी आउन बाँकी छ ।
यो पनि पढ्नुहोस्
