कलैया ११ मा निशुल्क आँखा जाँच शिविर सम्पन्न
कलैया उपमहानगरपालिका ११ बिश्वम्भरपुरमा शनिबार निशुल्क आँखा जाँच शिविर सम्पन्न भएको छ। जिवनज्योती युवा क्लब कलैया ११ को आयोजना एवम दृष्टि आँखा अस्पताल बिरगंजको प्राविधिक सहयोगमा शिविर संचालन गरिएको हो ।
उक्त शिविरमा महिला तथा पुरुष गरि ३२५ जनाको आँखा जाँच गरिएको आयोजकले जनाएको छ । आखा जाच गर्ने मध्ये ५५ जनामा मोतियाबिन्दु रहेको पाईएको छ ।
मोतियाबिन्दु भएका बिरामीको यही साउन १२ गते अपरेसन गरिने दृष्टि आँखा अस्पताल बिरगंजले जनाएको छ । बिरामिलाई लेन्स बाहेक अन्य सेवा निशुल्क प्रदान गर्ने ब्यवस्था रहेको वरिष्ठ समाजसेवी मुकेश चन्द्र कुशवाहाले जानकारी दिनु भएको छ।
यो पनि पढ्नुहोस्
