३० किलो चरेशसहित ७ जना पक्राउ

मकवानपुरको हेटौंडा उपमहानगरपालिका–१० बसपार्कबाट बुधबार ठूलो परिमाणमा लागुऔषध चरेशसहित ७ जना पक्राउ परेका छन् । सशस्त्र प्रहरीबल हेटौडाले विशेष सुराकीका आधारमा ३० किलो चरेशसहित ७ जनालाई पक्राउ गरेको हो ।
भारतीय नम्बर प्लेटको ट्याक्सी सहित ३३ हजार ६ सय ९० भारतीय रुपैयाँ पनि बरामद गरिएको सशस्त्र प्रहरीबल हेटौंडाका प्रहरी नायब उपरीक्षक त्रिभुवन बिष्टले जानकारी दिनुभयो ।
प्रहरीले चरेशसहित मकवानपुरको आग्राका हिरा स्याङतानर  बिक्रम स्याङतान, रौतहट राजपुर फरादवाका कमला खातुन, रौतहट बलराका सरोज पटेल,रक्सौलका मुकेश सराफ, भारत लखनउका निर्भय सिंह र भारत मोतिहारीकी कलावती देवीलाई पक्राउ गरेको हो । उनीहरुको विषयमा अनुसन्धान भइरहेको प्ररहरीले जनाएको छ ।