अपडेटः खानीगाउँमा बस दुर्घटना,२ जनाको मृत्यू,३५ जना घाइते

मकवानपुर थाहा नगरपालिका १ खानीगाउँमा बस दुर्घटना हुँदा २ जनाको मृत्यू भएको छ । ३५ जना घाइते भएका छन् ।
मकवानपुरको कैलाश गाउँपालिकाको पकनेबाट काठमाण्डौका लागि छुटेको ना ४ ख ४५६७ नम्बरको बस दुर्घटना हुँदा गोगनेकी २५ वर्षिया कमला दोङ र डाँडाखर्कका ३० वर्षिय कुन्साङ लामाको मृत्यु भएको हो ।
दोङको उपचारको क्रममा पालुङ प्राथमिक स्वास्थ्य केन्द्रमा र लामाको उपचारको लागि काठमाण्डौं लैजादै गर्दा बाटैमा मृत्यू भएको प्रहरीले जनाएको छ ।
गम्भीर घाइते हुनेहरुलाई थप उपचारका लागि काठमाण्डौ पठाइएको छ भने अन्य घाइतेको प्राथमिक स्वास्थ्य केन्द्र पालुङमा उपचार भइरहेको इलाका प्रहरी कार्यालय पालुङले जनाएको छ ।  बस सडकबाट करी १ सय मीटर तल खसेको थियो ।