सल्यानमा बस दुर्घटना, दुईजनाको मृत्यु

सल्यानको त्रिवेणी गाउँपालिका–५ मा आइतबार बिहान बस दुर्घटना हुँदा दुईजनाको मृत्यु भएको छ । दाङ घोराहीबाट रुकुमका लागि छुटेको ना. ४ ख ५७५४ नम्बरको सल्लेखोलामा दुर्घटना भएको हो ।
मृतक मध्ये सल्यान कोर्बाङ– ९ का रातो खड्काको मात्रै सनाखत भएको छ ।
घाइतेमध्ये चारजनाको अवस्था गम्भीर रहेको प्रहरीले जनाएको छ । उनीहरूलाई उपचारका लागि दाङ पुर्याइएको छ । अन्य २० यात्रुको सल्यानकै स्वास्थ्य केन्द्रमा उपचार भइरहेको छ ।
विपरित दिशाबाट आएको स्कार्पिओ गाडीलाइ साइड दिने क्रममा बस सडकबाट १ सय मिटर तल खेतमा खसेको हो ।