अपडेटःमकवानपुरको सिमभञ्ज्याङ बसिफाटमा भ्यान दुर्घटना,एकजनाको मृत्यु

काठमाडौँबाट बुटबलका लागि छुटेको लु १ ज २०२३ नम्बरको विङगर भ्यान त्रिभुवन राजपथ अन्तर्गत मकवानपुरको सिमभञ्ज्याङ बसिफाटमा दुर्घटना हुँदा एकजनाको मृत्यु भएको छ ।

मृतक गाडीको चालक रहेको मकवानपुर प्रहरीले जनाएको छ । दुर्घटनामा परी घाइते भएका मध्य गम्भिर अवस्थाका एकजनाको हेटौँडाको चुरेहिल अस्पतालमा, एक जनाको पालुङमा र बाँकीको हेटौँडा अस्पतालमा उपचार भइरहेको प्रहरीले जनाएको छ ।

गाडीमा १२ जना यात्रु रहेका थिए । मृतक र घाईतेहरुको परिचय खुल्न बाँकी रहेको प्रहरीले जनाएको छ । दुर्घटना साझ ६ः४० बजे भएको प्रहरीको भनाई छ । गाडी सडकबाट करिब ३५ फिट तल खसेको थियो ।