फिफा कनफेडेरेशन कप फुटबलको फाइनलमा जर्मनी र चिली भिड्ने

विश्व विजेता जर्मनी रुसमा जारी फिफा कनफेडेरेशन कप फुटबलको फाइनलमा प्रवेश गरेको छ । गएराति सोचीमा भएको सेमिफाइनलमा खेलमा मेक्सिकोलाई ४–१ गोलले पराजित गर्दै जर्मनी उपाधि नजिक पुगेको हो ।  जितसँगै जर्मनीले उपाधीका लागि चिलीसँग खेल्ने भएको छ । चिलीले पोर्चुगललाई टाइब्रेकरमा हराएर यसअघि नै फाइनलमा स्थाना बनाइसकेको छ । फाइनल खेल आउँदो आइतबार राति पौने १२ बजे हुनेछ ।
जर्मनी र मेक्सिको बिच भएको सेमिफाइनलमा जर्मनीको जितका  लागि लियोन गोरेत्काले दुई तथा टिमो वार्नर र आमिन युनिसले एक एक गोल गरे । मेक्सिकोका लागि मार्को फेबियनले एक गोल फर्काए ।