दोलखाको लाकुरीडाँडामा पहिरो जाँदा १ जनाको मृत्यु , ३ जना बेपत्ता

दोलखाको भिमेश्वर नगरपालिका– १ लाकुरीडाँडाको कुटकुटेमा गएराति गएको पहिरोमा परी १ जनाको मृत्यु भएको छ । ३ जना बेपत्ता भएका छन् । स्थानीय मंगल थामीकी श्रीमती शान्तिको मृत्यु भएको प्रहरीले जनाएको छ । मंगल थामीका २ छोरी रोषणी  र सन्तोषी तथा छिमेकी लाटी थामी बेपत्ता रहेको जिल्ला प्रहरी कार्यालय दोलखाले जनाएको छ ।
बस्ती माथिबाट खसेको पहिरोका कारण करिव १९ घर उच्च जोखिममा परेका छन् । उद्धारका लागि प्रहरी टोली घटनास्थल पुगेको दोलखाका प्रहरीले जानकारी दिएको छ ।
घटनाको विस्तृत विवरण आउन बाँकी छ ।