फिना विश्व च्यामिपयनसिपको लागि खेलाडी छनोट

नेपाल पौडी संघले १७ औं फिना विश्व पौडी च्याम्पियनसिपमा सहभागी हुन जाने नेपाली पौडी खेलाडीहरुको छनोट गरेको छ । मित्र राष्ट्र हंगेरीको बुडापेष्टमा सन २०१७, जुलाई २० देखि ३१ सम्म पौडी प्रतियोगिता आयोजना हुनेछ ।
आठौं प्रमोद मेमोरियल कप उमेर समूह तथा खुला पौडी प्रतियोगिताबाट नेपाल पौडी संघले फिना अंकको आधारमा पुरुष तर्फ सुभम श्रेष्ठ र अनुभव सुब्बा तथा महिला तर्फ सोफिया शाह र टिसा शाक्यलाई छनोट गरेको हो ।
सुभमको फिना अंक ४७९ र अनुभवको ४७४ रहेको छ । त्यस्तै सोफियाको ५०७ र टिसाको ४४९ अंक रहेको छ । यस्तै बैकल्पिक खेलाडीको रुपमा पुरुष तर्फ किरण कार्की ४७२ अंक र निहारिका तुलाधर ४३५ अंक रहेका छन् ।