अपडेट : मनहरी दुर्घटनामा मृत्यु हुनेको सनाखत

मनहरी गाउँपालिका वडा नम्बर ६ नयाँबस्ती सुनाचुरीमा आज बिहान बस र ट्रिपर आपसमा ठोक्किदा २ जनाको मृत्यू भएको छ । ११ जना घाइते भएका छन् । मृत्यू हुनेमा एक जना भारतीय नागरकि रहेका छन् । दुर्घटनामा संखुवासभा ३ का २३ वर्षीय केशवबहादुर राई र भारतीय नागरिक ३० वर्षीय मोहम्मद साहउदिनको मृत्यू भएको जिल्ला प्रहरी कार्यालय मकवानपुरले जनाएको छ ।
 उनीहरुलाई उपचारका लागि भरतपुर लैजाने क्रममा मृत्यू भएको प्रहरीले जनाएको छ  । दुर्घटनामा परि घाईते मध्ये ४ जनाको अवस्था गम्भिर रहेको र घाईते सबैको पुरानो मेडिकल कलेज भरतपुरमा उपचार भइरहेको छ ।
मनहरीबाट चितवन जाँदै गरेको ना। ४ ख। ८३ नम्बरको ट्रिपर र काठमाडौबाट झापाको लागि छुटेको ना ५ ख ६१२३ नम्बरको बस मनहरी ६ नयाँबस्तीमा दुर्घटना भएको हो ।