शान्तिप्रियालाई राष्ट्रिय चलचित्र पत्रकारीता पुरस्कार बाट सम्मान

१८ औं चलचित्र पत्रकारिता दिवसको अवसरमा चलचित्र पत्रकार संघ, नेपालको मकवानपुर शाखाले संघका निवर्तमान अध्यक्ष शान्तिप्रियालाई राष्ट्रिय चलचित्र पत्रकारीता पुरस्कार बाट सम्मान गरेको छ । संघले बिगतका लामो समयदेखी निरन्तर चलचित्र पत्रकारीता लाग्दै चलचित्र पत्रकारीतालाई अगाडि बढाउन महत्वपुर्ण भुमिका खेलेको भन्दै उनलाई उक्त पुरस्कार सहित सम्मा गरेको हो । 

त्यस्तै उक्त कार्यक्रममा चलचित्र पत्रकारीतामा सक्रिय रहेका अन्य पत्रकारहरुलाई समेत सम्मान गरिएको थियो । उक्त पत्रकारीता पुरस्कारबाट हेटौडाको टिम टेलिभिजनमा कार्यरत कपिल खड्का र कलाकारीता सम्मानबाट कलाकार भोलाराज सापकोटालाई सम्मानित गरिएको थियो ।

शान्तिप्रियलाई नगद ११ हजार १ सय ११ राशी सहति सम्मानपत्रका साथ सम्मान गरिएको थियो । उनलाई शाखा अध्यक्ष मनिराज गौतम, प्रमुख अतिथि नरेन्द्र महर्जन र विशिष्ट अतिथि प्रदीप उदयले दोसल्ला र ढाकाटोपी लगाइदिँदै सम्मान गरे । त्यस्तै, पत्रकार खड्का र कलाकार सापकोटालाई नगद राशी ५ हजार सहित ताम्रपत्र, दोसल्ला र ढाकाटोपी मार्फत पुरस्कृत गरिएको थियो ।

आईतबार १८ औं पत्रकारिता दिवसको दिनमै चलचित्र पत्रकार संघ केन्द्रले पनि एक कार्यक्रमका बिच राजधानीमा बिभिन्न मिडियामा आवद्ध चलचित्र पत्रकारहरुलाई सम्मान तथा पुरस्कृत गरेको थियो ।

– See more at: http://www.cinechautari.com/details.php?detail=1088#sthash.HGV0uUy8.dpuf