आइपीएल फाइनलमा मुम्बई इन्डियन्स र राइजिङ पुणे भिड्ने

मुम्बई इन्डियन्स इन्डियन प्रिमियर लिग क्रिकेट (आइपीएल)को फाइनलमा प्रवेश गरेको छ ।

दोस्रो प्लेअपमा गएराति कोलकाता नाइट राइडर्सलाई ६ विकेटले हराउँदै मुम्बई दशौं आइपीएलको उपाधि नजिक पुगेको हो ।
दशौ संस्करण अन्तर्गतको आइपीएलको उपाधिका लागि मुम्बईले राइजिङ पुणेसँग भोलि राजिव गान्धी अन्तर्राष्ट्रिय क्रिकेट मैदानमा खेल्नेछ । खेल नेपाली समयअनुसार भोलि राति सवा ८ बजेदेखि सुरु हुनेछ ।