लागुऔषध गाँजासहित हेटौंडाबाट दुई महिला पक्राउ
मकवानपुरको हेटौंडामा लागुऔषध गाँजासहित दुईजना महिला पक्राउ परेका छन् ।
पक्राउ पर्नेमा कैलाश गाउँपालिका वडा नम्बर–५ भैराङ बस्ने ३० वर्षीया अञ्जलि गोले र हेटौंडा–३ बसामाडि बस्ने ५१ वर्षीया ज्ञानुमाया गोले रहेका छन् ।
विहिबार विहान ६ बजेको समयमा जिल्ला प्रहरी कार्यालय मकवानपुरबाट खटिएको प्रहरी टोलिले हेटौंडा–४ स्थित नारायणी मल नजिकैबाट १० किलो २ सय ७० ग्राम गाँजासहित उनीहरुलाई पक्राउ गरेको हो ।
बाटोमा हिडिरहेका उनीहरुलाई शंका लागि चेकजाँच गर्ने क्रममा उक्त लागुऔषध फेला परेको प्रहरीले जनाएको छ ।
घटनाबारे थप अनुसन्धान भईरहेको प्रहरीले जनाएको छ ।
यो पनि पढ्नुहोस्
