नयाँ समिकरण अनुसार सरकार गठन गर्न मार्ग प्रशस्त गर्ने मुख्यमन्त्री जम्कट्टेलको घोषणा
माओवादी केन्द्र अब सशक्त र रचनात्मक प्रतिपक्षको भूमिकामा रहनेछः मुख्यमन्त्री जम्कट्टेल
मुख्यमन्त्री शालिकराम जम्कट्टेलले नयाँ समिकरण अनुसार सरकार गठनका लागि मार्ग प्रशस्त गर्ने घोषणा गर्नु भएको छ ।
आइतबार दिउँसो बसेको प्रदेशसभा बैठकमा मुख्यमन्त्री जम्कट्टेलले नयाँ राजनीतिक संस्कारको विकासका लागि आफुले विश्वासको मत नलिएर नयाँ सरकार गठनका लागि मार्ग प्रशस्त गर्ने निर्णय गरेको बताउनु भएको हो ।
मुख्यमन्त्री जम्कट्टेलले दुई ठूला दलको समिकरण अनुसार नयाँ सरकार बनाउने स्थिती बनिसको अवस्थामा आफुले लिने विश्वासको मतले सार्थकता नपाउने जिकिर गर्नुभयो । उहाँले माओवादी केन्द्र अब सशक्त र रचनात्मक प्रतिपक्षको भूमिकामा रहने बताउनुभयो ।
मुख्यमन्त्री जम्कट्टेलले सरकार गठनका लागि मार्ग प्रशस्त गर्ने घोषणा गरेसंगै प्रदेशसभाको सम्पूर्ण कार्यसूची हटाइएको प्रदेशसभाका सभामुख भुवन कुमार पाठकले जानकारी दिनुभयो ।
यो पनि पढ्नुहोस्
