नेपालमा अब संघियता रहनेमा आशंका छः मुख्यमन्त्री जम्मकट्टेल
बागमती प्रदेशका मुख्यमन्त्री शालिकराम जम्मकट्टेलले अब नेपालमा संघियता रहनेमा आशंका पैदा भएको बताउनु भएको छ ।
आइतबार आफ्नो नेतृतत्वमा भएका कामहरु विवरण समेटिएको पुस्तक सार्वजनिक गर्ने क्रममा पत्रकारहरुको जिज्ञासामा उहाँले देशमा संघियता रहन्छ कि रहँदैन भन्नेमा आशंका व्यक्त गर्नुभएको हो । नेकपा एमाले र नेपाली कांग्रेसको पछिल्लो समिकरण र प्रधानमन्त्री केपी शर्मा ओलीको विगतका अभिव्यक्तिले संघियता रहने नरहनेमा गम्भिर आशंका पैदा गरेको उहाँले बताउनुभयो ।
प्रधानमन्त्री ओलीले एक कार्यक्रममा आफुहरुसंग एउटै सरकार संघिय सरकार हो भन्दै प्रदेशलाई सरकार नमान्ने अभिव्यक्ति दिएको मुख्यमन्त्री जम्मकट्टेलले बताउनुभयो । डोरमणी पौडेल र आफु सहभागी धादिङ्गको एक कार्यक्रममा प्रधानमन्त्री ओलीले प्रदेश सरकार के को सरकार भनी थर्काएको बताउनुभयो ।
आइतबार मुख्यमन्त्री कार्यालयमा कार्यक्रम आयोजना गरी उहाँले आफ्नो डेढवर्षे कार्यकालमा आफु मातहतका मन्त्रालयहरु मार्फत भएगरेका कामको विवरण समेटिएको पुस्तक सार्वजनिक गर्नुभएको हो । मुख्यगरी १३ बुँदामा समेटिएको उक्त पुस्तक सार्वजनिक गर्दै मुख्यमन्त्री जम्मकट्टेलले बिशेषगरी पूर्वाधारको क्षेत्रमा धेरै काम गरिएको जानकारी दिनुभयो ।
आफ्नो कार्यकालमा थुप्र नीतिगत कामहरू गरेकोे जानकारी दिदैँ मुख्यमन्त्री जम्मकट्टेलले संगठन संरचना पास गर्नुका साथै जिल्लाहरू मार्फत सेवा केन्द्रबाट आम जनतालाई सेवा दिइरहेको बताउनुभयो ।
कार्यक्रममा भौतिक पूर्वाधार विकास मन्त्री युवराज दुलाल, कृषि तथा पशुपन्छी विकास मन्त्री डा.राजेन्द्रमान श्रेष्ठ र युवा तथा खेलकुद मन्त्री रमा आलेमगरले संयुक्त रूपमा प्रदेश सरकारले गरेका प्रमुख कार्यहरूको पुस्तिका सार्वजनिक गर्नुभएको थियो ।
यो पनि पढ्नुहोस्
