गिट्टीमा चिप्लिएर मोटरसाइकल दुर्घटना, २ जना गम्भीर घाइते
सडक छेउमा थुपारिएको निर्माण सामग्रीमा चिप्लिएर हेटौंडा उपमहानगरपालिका वडा नम्बर–६ मा दुईवटा मोटरसाईकल दुर्घटनामा परेका छन् ।
हेटौंडा बजारबाट हर्नामाडी तर्फ जाँदै गरेका बागमती प्रदेश ०३–००३४ प ७१२६ नम्बरको मोटरसाईकल र सोही दिशा तर्फ नै जाँदै गरेको बागमती प्रदेश ०३–००५ प ६३०९ नम्बरको दुईवटा मोटरसाईकल राती ९ः३० बजे हेटौंडा ६ पुतलिबजार भुलभुलेमा दुर्घटनामा परेको हो ।
दुर्घटनामा दुबै मोटरसाइृकलका चालक गम्भिर घाइते भएका छन् । उनीहरुलाई उपचारका लागि हेटौंडा अस्पताल पठाइएको छ । ढलको ढकन बनाउनका लागि सडक छेउमा थुपारिएको गिट्टीमा मोटरसाईकल चिप्लिएको स्थानीयले बताएका छन् । घाइतेको पहिचान हुन बाँकी रहेको छ ।
यो पनि पढ्नुहोस्
