धादिङ बस दुर्घटना: मृतकको संख्या ६ पुग्यो

धादिङको घाटबेसीमा बस दुर्घटना हुँदा मृत्यु हुनेको संख्या ६ पुगेको छ ।

एक महिलासहित ६ जनाको शव फेला परेको प्रहरीले जनाएको छ । मृतकाको परिचय खुल्न सकेको छैन। घाइते ३५ जनाको उद्धार गरि गजुरी प्राथमिक स्वास्थ्य केन्द्र र गजुरी अस्पतालमा उपचार भैरहेको प्रहरीले जनाएको छ ।

कपिलवस्तुबाट काठमाण्डौ जाँदै गरेको लु २ ख २१२१ नम्बरको बस धादिङको गजुरी गाउँपालिका–५ घाटबेँसीमा दुर्घटना भएको हो । बसमा ५१ जना यात्रु र चालक रहेको प्रारम्भिक विवरण आएको प्रहरीले जनाएको छ ।