हेटौंडा १५ ले “अन्तर वडा स्तरीय वडा अध्यक्ष कप फुटबल प्रतियोगिता गर्ने
हेटौंडा वडा नम्बर–१५ ले “अन्तर वडा स्तरीय १५ नम्बर वडा अध्यक्ष कप फुटबल प्रतियोगिता गर्ने भएको छ ।
शुक्रबार वडा कार्यालयमा पत्रकार सम्मेलन गरी वडा अध्यक्ष सुनिल मोक्तानले आगामी चैत्र ९ गते देखि २२ गतेसम्म हेटौंडाको गौरीटार रगंशालामा प्रतियोगिता गर्न लागेको जानकारी दिनुभयो । हेटौंडा खेलकुद विकास समितिको आयोजना तथा हेटौंडा १५ नम्बर वडाको प्रायोजनमा हुने प्रतियोगितामा उपमहानगर भित्रका १९ वटै वडाले समुह बनाई सहभागिता जनाउन सक्ने छन् ।
वडास्तर बाटै खेलाडी उत्पादन गरी वडालाई राष्ट्रिय तथा अन्तराष्टिय स्तरमा चिनाउने उदेश्यले प्रतियोगिता आयोजना गर्न लागिएको अध्यक्ष मोक्तानले बताउनुभयो । उहाँले टोलटोलबाट खेलाडी उत्पादन गरी नेपाललाई खेलको माध्यमबाट विश्वमा चिनाउन सकिने बताउनुभयो ।
वडा स्तरिय खेलकुद विकास समिति हेटौंडा १५ का अध्यक्ष गोविन्द नेगिका अनुसार सोनाम ल्होछार २८६० औं डुक ल्हो९नयाँ वर्ष० को अवसरमा प्रतियोगिताको आयोजना गर्न लागिएको हो ।
प्रतियोगिताको विजेता टिमले नगद १ लाख रुपैँया तथा उपविजेता टिमले नगद ५० हजार रुपैँया प्राप्त गर्ने आयोजकले जनाएको छ । त्यस्तै विधागत तर्फ उत्कृष्ट फर्वाड, मिड फिल्डर, गोल किपर, डिफेन्डर र सर्वोत्कृष्ट खेलाडीलाई समेत उचित पुरस्कारको व्यवस्था गरिएको आयोजकले जनाएको छ ।
यो पनि पढ्नुहोस्
