नवौं राष्ट्रिय हेटौंडा भेट्रान्स कप एट ए साइड रनिङ शिल्ड फुटबल प्रतियोगिता हुने
नवौं राष्ट्रिय हेटौंडा भेट्रान्स कप एट ए साइड रनिङ शिल्ड फुटबल प्रतियोगिता २०८० हुने भएको छ ।
मंगलबार पत्रकार सम्मेलन गरी हेटौंडा भेट्रान्स क्लबले यहि फागुन २२ गतेदेखि २६ गतेसम्म हेटौंडा ४ हुप्राचौरमा प्रतियोगिता आयोजना गर्ने जानकारी दिएको हो । ५ दिनमा १६ ओटा खेल खेलाइने प्रतियोगितामा सहभागिता जनाउने २० क्लबको टुङ्गो लागिसकेको र अन्य २ क्लबसंग छलफल भइरहेको आयोजकले जनाएको छ ।
प्रतियोतिामा प्रथम हुने टीमले एक लाख ११ हजार एक सय ११ रुपैयाँ र दोस्रो हुने टीमले ५५ हजार ५ सय ५५ रुपैयाँ प्राप्त गर्ने आयोजकले जनाएको छ ।
यस्तै सर्वश्रेष्ठ कोच, सर्वश्रेष्ठ फवार्ड, सर्वश्रेष्ठ गोलकिपर, सर्वश्रेष्ठ डिफेन्स, सर्वश्रेष्ठ मिडफिल्डरलाई जनही ५ हजार रुपैयाँ प्रदान गरिनेछ । यस्तै म्यान अफ दि सिरिजलाई १० हजार र प्रत्येक खेलको म्यान अफ दि म्याचलाई ५ हजार नगद पुरस्कारको व्यवस्था गरिएको आयोजकले जनाएको छ ।
४० वर्षमाथि उमेर समूहका पूर्व खेलाडीको सहभागिता रहने हेटौंडा भेट्रान्सले हरेक वर्ष प्रतियोगिता आयोजना गर्दै आएको छ । खेल सम्पन्न गर्न १३ लाख रुपैयाँ लाग्ने आयोजकको अनुमान छ ।
यो पनि पढ्नुहोस्
