एपीएफ क्लब, सहिद स्मृति अन्तराष्ट्रिय मकवानपुर गोल्डकपको फाइनलमा प्रवेश
सशस्त्र प्रहरीको एपीएफ क्लब, छैठौं संस्करणको स्थानिय तह सहिद स्मृति अन्तराष्ट्रिय मकवानपुर गोल्डकप फुटबल प्रतियोगिताको फाइनलमा प्रवेश गरेको छ ।
हेटौंडा–६ मा रहेको गौरीटार रंगशालामा जारी प्रतियोगिताको बिहिबारको खेलमा बागमती युथ क्लब सर्लाहीलाई ४–० गोल अन्तरले पराजित गर्दै एपीएफ फाइनलमा प्रवेश गरेको हो । एपीएफको जितका लागि पहिलो गोल जर्सी नम्बर ११ का खेलाडी अनिश महजर्नले पहिलो हाफमा गरेका थिए ।
यस्तै दोस्रो हाफमा जसी नम्बर ७ का खेलाडी प्रदिप लामा र जर्सी नम्बर १२ का सर्जियो सोन्गले १÷१ गोल गरे । एपीएफको जितका लागि चौथो तथा अन्तिम गोल पोडेन ओफेन्नाले गरेका हुन् । अब फाइनलमा सशस्त्र प्रहरीको एपीएफले न्यूरोड टिम एनआरटीसंग प्रतिष्पर्धा गर्नेछ ।
मकवानपुर जिल्ला फुटबल संघको आयोजनामा जारी प्रतियोगिताको फाइनल खेल माघ २७ गते हुनेछ । प्रतियोगिताको विजेताले १५ लाख र उपविजेताले १० लाख प्राप्त गर्नेछ । सर्वोत्कृष्ट खेलाडीले बुलेट बाइक र विधागत उत्कृष्टले जनही २५ हजार रुपैयाँ प्राप्त गर्ने आयोजकले जनाएको छ ।
यो पनि पढ्नुहोस्
