हेटौंडा–११ वनदेवीका स्थानिय सडक सुविधाबाट लाभाम्बित हुँदै

स्तरीय मोटर बाटो अभावका कारण हेटौंडा बजारसम्म आउँनका लागि लामो यात्रा गर्नु पर्ने हेटौंडा–१ शिखरकोट (ध्याङसिड्डटार)का बासिन्दा सडक सुविधा बाट लाभाम्वित हुने भएका छन् ।

हेटौंडा उपमहानगरपालिका र हेटौंडा १ नम्बर वडा कार्यालयको लगानीमा हेटौंडा–११ बनदेबी बाट सडक स्तरीकरणको काम निरन्तर चलेसँगै बिकट गाउँमा रहेका स्थानिय सडक सुबिधाबाट लाभाम्बित हुने भएका हुन् ।
उपमहानगर र वडा नम्बर १ बाट छुट्याइएको बजेट बाट गत आर्थिक बर्षमा ३० लाख बराबरको काम भएको थियो । बहुबर्षे योजनामा झै काम भैरहेको हेटौंडा–११ बनदेबी बाट उकालो लाग्दै जाने सडकमा गत आर्थिक बर्षमा उपमहानगरले २० र १ नम्बर वडा बाट १० लाख रुपियाँ गरी ३० लाख बराबरको काम भएको थियो ।

चालु आर्थिक बर्ष २०८०/०८१ मा उपमहानगरपालिकाले बिनियोजन गरेको ५० लाख रुपियाँ बजेटले बुधबारबाट सडकको स्तरीकरण सुरु गरीएको छ । उपमहानगरले बिनियोजन गरेको बजेटबात थालिएको स्तरीकरणको कामलाई कार्यवाहक नगर प्रमुख राजेश बानियाँले शिलान्यास गरेका छन् ।

करीब ८७० मिटर लामो सडकको शिखरकोट पुगेर उनले शिलान्यास गरेका हुन् । सडक निर्माण सम्पन्न भएसँगै हेटौंडा ११ हुँदै बजार सम्म आउन करिब २० मिनेटको समय लाग्ने स्थानियको भनाई छ । अहिले भैरबडाँडा हुँदै बजार सम्म आउँने करिब २ घण्टा बन्दा बढि समय लाग्ने स्थानिय नामग्याल सिन्तानले बताए ।

सडकको शिलान्यास गर्दै उपमहानगरका कार्यवाहक नगर प्रमुख बानियाँले पुर्वाधार निर्माणको कामलाई बिशेष प्राथमिकतामा राखेर अघि बढिरहेको बताए । उनले तत्कालिन नगरपालिकासँग जोडिएका गाउँपालिका लक्षित बिकासलाई उपमहानगरले अघि बढाएको भन्दै उनले जनताको भावनालाई समेट्दै अहिलेको नेर्तत्व अघि बढ्ने बताए ।

उनले उपमहानगर भित्र रहेर पनि धेरै वडाका ठाउँहरु बिकट रहेको भन्दै त्यस्ता क्षेत्रलाई प्राथमिकतामा राखेर अघि बढ्न तत्पर रहेको बताए । हेटौंडा–११ स्मारक सम्म जोडिनका लागि आगामि दिनमा पनि बजेट निर्माण प्रकृयामा ध्यान दिन प्रतिबद्धता जनाए ।

सडक स्तरीकरणको शिलान्यास कार्यक्रममा हेटौंडा १ का वडा अध्यक्ष सबिन न्यौपानेले शिखरकोट क्षेत्रमा रहेको स्वास्थ्य केन्द्र र खानेपानीको समस्या समाधानका लागि लागि पर्ने बताए । बजार क्षेत्र भन्दा पनि ग्रामिण भेगलाई ध्यान दिँदै वडा कार्यालयले काम गरीरहेको बताए ।

सडक स्तरीकरण समितिका अध्यक्ष लवाङ सिन्तानको अध्यक्षतामा भएको कार्यक्रममा कार्यपालिका सदस्य इश्वरी रसाईली वडा सदस्यहरु सोनामसिंह व्लोन,मनु दाहाल, वडा सचिब गंगा राई, प्राबिधि छटुलाल शाह, नेपाली काग्रेस १ नम्ब इकाई सभापति हरीकृष्ण महर्जन, स्थानिय समाजसेवी नामग्याल सिन्तान लगाएको आतिथ्यता रहेको थियो ।