चाडपर्वको अवसरमा एमाले मकवानपुरको शुभकामना आदान प्रदान
नेपाल कम्युनिष्ट पार्टी एमाले मकवानपुरले चाडपर्वको अवसरमा शुभकामना आदान प्रदान तथा चियापान कार्यक्रम गरेको छ ।
एमाले मकवानपुरले नेपालीहरुको महान चाड शुभ–दिपावली, नेपाल संवत, छठ, इद, क्रिसमस तथा ल्होसार पर्वका अवसरमा शुभकामना आदान प्रदान तथा चियापान कार्यक्रम गरेको हो । कार्यक्रममा नेकपा एमाले मकवानपुरका अध्यक्ष एकलाल श्रेष्ठले शुभकामना दिँदै कार्यक्रममा सहभागी हुनु भएकोमा सबैलाई धन्यवाद दिनुभयो ।
कार्यक्रममा बागमती प्रदेशका सामाजिक विकास मन्त्री कुमारी मोक्तान, बागमती प्रदेशसभा सदस्य प्रेम बहादुर पुलामी, बागमती प्रदेशका पूर्व मुख्यमन्त्री डोरमणी पौडेल, एमालेका सचेतक तथा मकवानपुर क्षेत्र नम्बर–२ का सांसद महेश कुमार वर्तौला, एमाले बागमती प्रदेशका संसदीय दलका नेता जगन्नाथ थपलिया, एमालेका केन्द्रीय सदस्य केदार न्यौपाने, रामेश्वर राना, अर्का केन्द्रीय सदस्य तथा एमाले बागमती प्रदेशसभाका सदस्य भारती पाठक, राष्ट्रिय सभाका सदस्य रामचन्द्र राइ, एमाले नेता अनन्त पौडेल, हेटौंडा उपमहानगरपालिकाका मेयर मिना कुमारी लामा लगायतकाको आतिथ्यता रहेको थियो ।
कार्यक्रममा मकवानपुरका विभिन्न राजनीतिक दल, सरकारी तथा गैरसरकारी संस्थाका प्रतिनिधी, नागरिक समाज लगाएतको सहभागिता रहेको थियो ।
यो पनि पढ्नुहोस्
