हेटौंडामा वृहत खेलकुद तथा व्यापार महोत्सव हुने
हेटौंडामा वृहत खेलकुद तथा व्यापार महोत्सव हुने भएको छ ।
बिहिबार मकवानपुर जिल्ला खेलकुद विकास समितिले हेटौंडामा पत्रकार सम्मेलन गरी आगामी पुस ५ गतेदेखि १७ गतेसम्म हेटौंडा–१० स्थित टीसीएन खेल मैदानमा महोत्सव हुने जानकारी दिएको हो ।
मकवानपुर जिल्ला खेलकुद विकास समिति र औद्योगिक शान्ति नेपाल संस्था काठमाडौंको संयुक्त आयोजनामा महोत्सव गर्न लागिएको खेलकुद विकास समितिका अध्यक्ष भेष खड्गीले जानकारी दिनुभयो । उहाँका अनुसार महोत्सवका लागि हेटौंडा उपमहानगरपालिकाबाट अनुमति प्राप्त भइसकेको छ भने शान्ति सुरक्षाको लागि जिल्ला प्रशासन कार्यालयबाट सहयोग प्राप्त हुनेछ ।
अन्य महोत्सव भन्दा यो केही फरक रहेको भन्दै अध्यक्ष खड्गीले महोत्सवभर १३ वटा विधामा राष्ट्रिय, प्रदेश र जिल्लास्तरीय खेलकुद प्रतियोगिता सञ्चालन गरिने जानकारी दिनुभयो ।
यो पनि पढ्नुहोस्
