हेटौंडा ४ मा भएको फुटसल प्रतियोगितामा मोबाईल एशोसिएशन मकवानपुर विजयी

हेटौंडा ४ मा भएको फुटसल प्रतियोगितामा मोबाईल एशोसिएशन मकवानपुर विजयी भएको छ ।

शनिबार मकवानपुर उद्योग वाणिज्य संघको प्रायोजनमा भएको फुटसलमा मोबाईल एशोसिएशन मकवानपुरले कम्प्युटर एशोसिएशन मकवानपुरलाई ४–२ गोलले हराएको हो ।

मकवानपुर अधिकृत विक्रेता संघले विजयादशमी शुभदिपावली नेपाल संवत तथा छठ पर्वको अवसरमा शुभकामना आदानप्रदान तथा फुटसल प्रतियोगिता आयोजना गरेको हो ।

प्रतियोगितामा पहिलो हुने टिमलाई ३० हजार नगद पुरस्कार प्रदान गरिएको छ । यस्तै दोस्रो हुेने टिमलाई नगद १५ हजार प्रदान गरिएको आयोजकले जनाएको छ । प्रतियोगितामा कम्पयुटर एशोसिएशन मकवानपुरका पुष्पराज पुडासैनी सर्वोत्कृष्ट खेलाडी र ११ गोल गर्न सफल निरज देउला सर्वोत्कृष्ट गोलकर्ता घोषित भए । उनिहरुले जनही २/२ हजार नगद प्राप्त गरेको आयोजकले जनाएको छ ।

प्रतियोगितामा मकवानपुर उद्योग वाणिज्य संघ, अधिकृत विक्रेता व्यवसायी संघ मकवानपुर, कम्प्युटर एशोसिएशन मकवानपुर, मोवाईल एशोसिएशन मकवानपुर, मकवानपुर सुनचाँदी व्यवसायी संघ, फर्निचर व्यवसायी संघ मकवानपु्र, बैकर्ष एशोसियशन मकवानपुर, मदिरा व्यवसायी संघ मकवानपुर, माछामासु् व्यवसायी संघ मकवानपुर, कुखुरा व्यवसायी संघ मकवानपुर, नारायणी सहकारी संस्था सहित १२ टिमको सहभागीता थियो ।

अधिकृत विक्रेता व्यवसायी संघका अध्यक्ष पवन कुमार अग्रवालको अध्यक्ष्तामा भएको कार्यक्रममा मकवानपुर उद्योग वाणिज्य संघका अध्यक्ष कृष्णकुमार अग्रवालको आतिथ्यता रहेको थियो । कार्यक्रममा मकवानपुर उद्योग वाणिज्य संघको वाणिज्य तर्फका उपाध्यक्ष प्रमोद सिंह रानाभाट र एसोसियट तर्फका उपाध्यक्ष उज्वल चौलागाई लगायतको आतिथ्यता रहेको थियो ।