सशस्त्र प्रहरी बल १४ नम्बर गण हेटौंडाद्वारा ९ क्विन्टल बढी लागूऔषध गाँजा बरामद
सशस्त्र प्रहरी बल १४ नम्बर गण हेटौंडाले ठुलो परिमाणमा लागू औषध गाँजा बरामद गरेको छ । भरतीय कन्टेनरबाट ६० ओटा पोकामा रहेको ९ क्विन्टल भन्दा बढी लागूऔषध गाँजा बरामद गरेको सशस्त्र प्रहरी बल हेटौंडाका एसपि अनिल कार्कीले जानकारी दिनुभयो ।
विशेष सुराकीको आधारमा चितवनको खुरखुरेबाट लोड भइ आएको एन एल ०१ ए सि २१४५ नम्बरको ६ चक्के कन्टेनरबाट ९ सय १९.३२४ किलो गााजा बरामद भएको उहाँले बताउनुभयो ।
प्रहरीले कन्टेनर चालक भारत बलरामपुर विर्तापुरको ४५ वर्षका दुलारे यादव र सहचालक योगेश बर्मालाई नियन्त्रणमा लिएको छ । यद्यपी बरामद भएको लागूऔषध गाँजाको विषयमा आफुहरु जानकार नभएको उनिहरुले बताएको एसपि कार्कीले बताउनुभयो ।
कन्टेनरको भित्री भागमा फल्स बटन बनाई गाँजा राखेर पुनः वेल्डीङ गरीएको अवस्थामा गाँजा फेला परेको एसपि कार्कीले बताउनुभयो ।
यो पनि पढ्नुहोस्
