बागमती प्रदेशसभा भवन अगाडी चिकित्सक तथा स्वास्थकर्मीको धर्ना
चिकित्सक कुटपिटको घटनामा संलग्नलाई कडा कार्वाहीको माग गर्दै हेटौंडा अस्पतालका चिकित्सक तथा स्वास्थकर्मी आन्दोलित छन् ।
सामुहिक राजिनामा दिएर आन्दोलन गरिरहेका उनीहरुले शनिबार बागमती प्रदेश सभा भवन अगाडी धर्ना दिए । प्रदेशसभा भवन अगाडी उभिएर उनिहरुले प्लेकार्डसहित प्रर्दशन गर्दै पेशागत सुरक्षाको माग गरेका छन् ।
७८ जना चिकित्सक तथा स्वास्थ्यकर्मीले राजीनामा दिएर आन्दोलनमा उत्रिदा अस्पतालमा सेवा लिन आउने सेवाग्राहीहरु भने मर्कामा परेका छन् । शुक्रबार बिहानैदेखि उनिहरुले अस्पतालको आकस्मिक बाहेकका सम्पूर्ण सेवाहरु बन्द गरी आन्दोलनमा उत्रिदा हेटौंडा अस्पतालमा सेवा लिन दैनिक आउने करीब १५ सय बिरामी उपचारबाट बन्चित भएका छन् ।
हेटौंडा–१२ का प्रधानका आफन्तले बुधबार हेटौडा १ मा रहेको सन्चो अस्पताल भित्र प्रवेश गरी डा। प्रशान्त बिडारी र डा। विकास थापालाई कुटपिट गरेका थिए । घटनामा संलग्न देखिएका ४ जनालाई प्रहरीले पक्राउ गरिसकेको छ भने नेपाल चिकित्सक संघले २ जनाविरुद्ध किटानी जाहेरी दिएको छ ।
यो पनि पढ्नुहोस्
